GENERAL SANTOS CITY – Anaa pa lang sa 88% kon 65, 255 nga mga bata sa dakbayan sa GenSan ang nabakunahan na ug oral polio gikan sa target nga kapin 75, 500 kung asa mulungtad hangtud karong adlawa ang polio vaccination.
Hinungdan nga nanawagan si Dr. Jet Oco sa City Health Office sa mga ginikanan nga pahimuslan ang last day aron pabakunahan ang ilang anak kung asa adunay higayon ning adlawa tungod walay trabaho.
Gawas sa mga team nga nagalibot sa matag barangay, adunay ginahimo nga mop-up ang World Health Organization aron masigurong tanang bata ang nahatagan ug oral polio vaccine.
Samtang pdayon usab ang pag-awhag si Sarangani Provincial Health Officer Doctor Arvin Alejandro nga pabakunahan na ang mga kabataan tungod kay karong adlawa, Sabado na lang ng katapusang adlaw sa pagpabakuna.
Basi sa ilang online reporting, anaa na sa 93.68 percent kon 66,521 kabuok mga bata ang nabakunahan og polio sa entiro Sarangani Province, pinakataas matud pa kini sa tanang probinsya ug syudad sa tibuok Rehiyon Dose.
Gikalipay karon sa PHO Sarangani ubos sa Sulong Kalusugan ang pagtubag sa mga ginikanan sa panawagan sa ilang buhatan nga pabakunahan ang ilang anak una mahuman ang polio vaccination.
