GENERAL SANTOS CITY – Gapanawagan ang City Health Office (CHO) sa tanan nga magtinabangay aron batukan ang sakit nga polio.
Matud pa kang Dr. Jett Oco sa CHO nga dili lang concern sa gobyerno o sa ilang buhatan ang pagbatok sa maong sakit apan responsibilidad sa tanan.
Gibutyag niini nga sa November 25 hangtud December 7, 2019 na matigayon ang “Sabayang Patak kontra polio” kon mass immunization.
Gikadugang pa ni Dr. Oco nga 75, 545 ka mga bata ang target mabakunahan.
Sa pamahayag pa ni Dr. Oco nga bisan nabakunahan na kontra polio ang usa ka bata nga zero to 59 months old o ubos sa singko anyos paubos ang edad, angayan gihapon nga makadawat og duha ka patak sa bakuna.
Sumala pa ni Dr. Oco nga libre ang bakuna kontra polio nga gihatag sa gobyerno.
Gihingusgan CHO nga dili pugson ang ginikanan nga bakunahan kontra sa polio ang anak kung gusto sa mga pribadong mga doktor.
May orientation ang Department of Health (DOH) ngadto sa mga ospital og mga pribadong doktor.
Ang maong balatian ang pwede nga dili maangkon sa usa ka tawo kung adunay proteksyon nga mao ang bakuna.
Ang mga health workers ang muadto sa matag balay aron bakunahan ang mga bata.
Pwede nga muadto sa health center gihapon aron bakunahan nga libre og epektibo nga bakuna.
Ipadayon ang laing hugna sa mass immunization kontra polio sa Enero 6 hangtud 18, 2020.
