GENERAL SANTOS CITY – Patay ang walo ka tuig nga bata human malumos sa lawom nga suba samtang namatay usab ang 38 anyos nga buot muluwas sa bata.
Giila ang biktima nga si LJ Talisay nga taga JP Laurel Malungon. Nakaabut ang biktima sa lugar tungod mikuyog kini sa amahan.
Nakita matud pa sa biktima nga naligo ang Amahan hinungdan nga milokso apan sa lawom nga bahin kini naadto hinungdan nga gisulayan ug tabang sa amahan nga si Japet samtang gapangayu ug tabang ang anak.
Mitabang usab ang nagpangalan ug Roderick Rasonable 38 apan nalumos hinuon kini hinungdan nga gidala sa tambalanan apan pulos gideklara nga dead on arrival.
Basi sa impormasyon nga napulo ka minuto na nga wala makita ang bata hinungdan nga nagpahigayon ug pagpangita sa biktima.
