GENERAL SANTOS CITY – Nasikop sa hiniusang pwersa sa taga PDEA ug kapulisan ang target suspek sa buybust operation nga nagresulta pa sa pagkadakop sa laing upat ka mga suspek nga nag pot session.
Silang Police Major Alex Lanestosa sa San Isidro Police Station ug Police Major Benjur Catcatan sa Lagao Police station kuyog sa taga PDEA ang nagpahigayon sa entrapment operation sa nagpangalan ug Mathan Romupal alias tantan 38 anyos driver nga residente sa Purok 1 Ligaya ning syudad.
Gamit ang kinyentos pesos nasikop nila ang target suspek nga nagresulta sa paglkasikop nilang Joey Badajos 31 mekaniko nga taga Cannery, Polomolok, Wenar Sayari 26 ug Nario Paildin 28 pulos mga driver nga taga Purok 6 Katangawan, ug Kona Betonio 29 usa ka babaye walay trabaho nga taga Cannery Polomolok South Cotabato.
Ang upat ang nag pot session sulod sa panimalay ni Romupal.
Nakuha ang tulo ka medium sachets ug upat ka large sachets sa suspected shabu nga adunay timbang nga tulo ka gramo nga adunay market value nga Php 204, 000.00, usa ka dako nga open sachet nga adunay suspected shabu residue lakip na ang mga drug paraphernalia.
Mga kaso sa pagsupak sa section 5 pagbaligya, section 6 Maintenance of a Den, Section 7 Visitors of a Den, Section 11 Possession of Dangerous Drugs ug Section 12 sa Republic Act 9156 ang ipasaka batuk sa mga suspek.
