GENERAL SANTOS CITY – Giila nga lider sa Magbanua robbery hold-up group si Jerry Magbanua nga nalambigit matud pa sa serye sa robbery hold-up sa area of responsibility sa San Isidro Police Station ning syudad sa Heneral Santos.
Kini ang pahayag ni Police Major Tirso Pascual ang hepe sa Bula Police Station.
Matud niini nga kauban ni Magbanua sa ilang operasyon si Marjoy Makahidhid nga namatay sa buybust operation sa Purok 4 Rajah Muda Bula ning dakbayan.
Kahinumduman nga napatay dihang misukol sa kapulisan si Magbanua kauban sa nagpangalan ug Denmark Espin nga nadala sa tambalanan human matud pa nakigpinusilay sa kapulisan sa Toledo Subdivision miaging mga gabie/.
Kini human wala matud pa mihunong dihang gisita sa kapulisan.
Matud ni Police Major Pascual, gitudlo matud pa ni Espin nga ilang kauban si Makahidhid hinungdan nga ilang gipahigayunan ug follow-up operation.
