GENERAL SANTOS CITY – Wala pay resulta ang ballistic examination sa armas nga gigamit sa pagpusil patay kang Jay Napalit atul sa riot nga natigayon sa nanirado nga imnanan ang Explore bar.
Segun kang Police Major Benhur Catcatan , labaw sa Lagao Police station nga ila usab gipaabut ang resulta sa paraffin test kang Police Stafff Sergeant Clifford Bayandan, intel officer sa San Isidro Police Station ang person of interest sa maong krimen.
Luyo niini nagpadayon ang pagtigum ug ebidinsya sa kapulisan aron mapalig-on ang kaso batuk sa responsable sa pagpatay sa biktima.
Kahinumduman nga gibutyag ni Major Rexor Canoy, tigpamaba sa general Santos City Police Office nga gipanghimakak ni Bayandan nga aduna kini kalambigitan sa krimen.
Nagpadayon usab nga kustudiya sa City Police Holding and accounting unit ang nahisgutang pulis human kini gidis-armahan ni Col. Aden Lagradante ang iyang labaw.
Kahinumduman nga patay usab sa pagpangdunggab ang laing biktima nga si John Vincent Lopez 21 nga taga Guadalupe Conel niiining dakbayan.
