GENERAL SANTOS CITY – Gapangandam karon ang Philippine Statistics Authority (PSA) sa matigayong national census sa 2020.
Matud pa kang Marcelino Valdez, sa PSA Sarangani and GenSan nga sa Mayo 2020 magsugod ang maong census nga madetermina na usab kung pipila ang popolasyon sa nasud nga matigayon kada 10 ka tuig.
Sa iyang pamahayag nga ang mga magtutudlo ang maoy gitahasan nga magpahigayon og census.
Ang population projection sa tibook Pilipinas ang anaa sa 102 hangtud sa 103 million.
Samtang sa GenSan ang gibana-banaa nga anaa sa 620,000 hangtud sa 630,000.
Gumikan niini miapila ang PSA sa katawhan nga magkooperar ngadto kanila alang sa maong census.
Ang lakip sa impormasyon nga kuhaon ang population count, demography, socio economic characteristics, types of houses and household, og barangay data.
Ang maong census ang ika-15 na nga gihimo sa nasud nga ang gobyerno karon ang migahin og ₱12.8 million.
