GENERAL SANTOS CITY – Anaa na sa 791 ang kaso sa dengue sa dakbayan og tulo ang namatay. Matud pa ni Dr. Karl Igrobay sa CHO nga makaalarma na ang sitwasyon gumikan sulod sa usa ka semana anaa sa 71 ka bag-ong kaso sa dengue ang natala.
Sa iyang pamahayag nga dakong natampo sa pagsaka sa dengue cases ang kanunay nga pag-ulan sa dakbayan.
Gumikan niini walay hunong ang ilang buhatan sa pagpahinumdum sa mga katawhan nga manglimpyo sa palibot nga maoy bugtong pamaagi aron makalikay sa dengue..
Kahibaluan nga ang mga dagkong barangay sa syudad ang may labing daghang kaso sa dengue.
Alayun niini nagmugna na og Anti-Dengue Task Force ang CHO aron matutukan ang pagsaka sa kaso sa dengue sa dakbayan og masayran kung unsa ang angayang aksyon nga himoon.
Nakig-alayon na ang CHO sa mga barangay officials kalabutan sa maong problema.
