GENERAL SANTOS CITY – Dako ang kontribusyon sa walo ka mga K9 unit sa PDEA nga gideploy sa GenSan Airport aron pahugtan ang kampanya kontra druga.
Matud ni Kat Abad, tigpamaba sa PDEA-12 nga gituyo pagbutang ang mukapin usa ka squad sa K9 unit aron babagan ang pagsulod ug paggawas sa druga agi sa airport.
Gikadugang pa niini nga kaya nga ma-detect sa mga K9 unit ang mga bagahe nga adunay gipalaman nga druga nga makalusot sa x-ray machine.
Makaya matud pa nga ma-detect sa nahisgutang mga K9 unit ang palusot sa shabu, marijuana, ug cocaine.
Gikadugang pa ni Abad nga sa tibuok nasud adunay mukapin usa ka gatus ka mga K9 unit ang nadeploy sa lain-laing airport og seaport aron magpatuman og interdiction ug greyhound operation.
Ang pagbutang matud pa ug drug sniffing dogs ang magsilbi nga pasidaan niadtong mga sindikato nga nagpaluyo sa palusot sa illegal nga druga agi sa mga pantalan ug airport.
