GENERAL SANTOS CITY – Gipaabot pa karon sa Business Permits and Licensing Division ang mamahimong kamanduan sa Sangguniang Panglungsod alang sa himuong lakang batok sa kontrobersyal nga Xplore Bar sa Bula-Lagao Road ning siyudad.
Kini human nagpasa ug resolusyon sa Brgy Lagao pinaagi ni Kag. Jaime Tatad, aron tangtangan ug permit ug pasirad-an ang naasoy’ng bar.
Gumikan kini sa sunod-sunod na matud pa ang kagubot nga nahitabo sa maong bar nga daw sa matag gabii na lang gakahitabo, ug may higayon pa nga adunay nakabsan kinabuhi human madunggaban.
Apan matud ni Geraldine Zamora, department head sa BPLD, tungod sa SP gipasang-at ang naasoy’ng resolsuyon, dili nila pwedeng pangunahan ang SP, inay angayang paabuton lamang ang mamahimong rekomendasyon niini pinaagi sa himuong imbestigasyon sa konseho.
Apan kon ugaling sa City Mayor gi-address ang naasoy’ng resolusyon, mahimo unta silang makalusad gilayon ug imbestigasyon aron mahimo ang gikinahanglan nga aksyon batok sa naasoy’ng bar.
