GENERAL SANTOS CITY – Nagpahinumdom ang Commission on Elections (Comelec) sa publiko kalabot sa ban nga ipatuman dungan sa piniliay.
Sumala ni GenSan Comelec officer Atty April Mitchor-Miguel nga i-implementa ang duha ka adlaw nga liquor ban sugod Dominggo, Mayo 12, bisperas sa eleksiyon.
Gibutyag niini nga pagpatak og alas 12:01 sa tungang gabie magsugod ang liquor ban og magpabilin hangtod sa mahuman ang eleksyon sa Lunes, Mayo 13.
Dugang pa, sa naasoyng mga adlaw hugot nga gibawal ang pagbaligya, pagpalit og pag-inom sa mga makahubog nga ilimnon.
Apan giklaro ni Atty. Miguel nga ginatugutan ang mga establisiemento nga may exemption sa Comelec human nga makakuha og sulat og mga rekositos.
Kahibaluan nga gawas sa ilimnong makahubog, gibawal usab sa Comelec ang unsa mang matang sa ilegal nga sugal, sama sa sabong, ug daghan pa.
GenSan Comelec officer Atty April Mitchor-Miguel
Alayon niini, hugot nga ipatuman sa kapulisan ang duha ka alaw nga liquor ban, og gitahasan na ni PNP Chief Oscar Albayalde ang tanang regional directors sa naasoung implementasyon.
