GENERAL SANTOS CITY – Nangandam na ang Public Employment Service Office (PESO-GenSan) alang sa matigayong ‘Kabataan Jobs Fair’ nga mahitabo sa Mayo 15, 2019 sa KCC Mall ning siyudad.
Katambayayong nila ang Youth Affairs and Development Office kon YADO, alayon sa nagpadayon nga Gensan Summer Youth Festival.
Sumala pa ni Nur Juanday sa PESO-GenSan, pwedeng mag-apply ang mga 4-year course graduates, o kaha mga Out of School Youth lakip na mga graduates sa senior high school.
Apan giklaro ni Juanday nga walay trabaho nga gitanyag sa abroad sa maong jobs fair.
Kini gumikan gusto sa gobyerno nga kon mahimo, wala nay mga batan-ong magtrabaho sa abroad ug dinhi na lang sa nasud.
Mamahimong sayo nga mag-register ang mga aplikante sa PESO aron dili na maglinya atul sa jobs fair.
Angayan lamang magdala ug daghang resume ug application letter gumikan daghang trabaho ang gitanyag.
