GENERAL SANTOS CITY- Bisan ug dili kabahin sa ARMM, maapektuhan ang dakbayan sa Henerak Santos kon unsa man ang sangputan sa Bangsamoro Organic Law kon BOL, positibo man o negatibo.
Kini ang gibutyag ni Jocelyn Kanda gikan sa City Mayor’s Office, sa pakighinabi sa Bombo Radyo.
May kalabutan kini sa gipahigayon nga pagsaulog sa Mindanao Week of Peace nga gipasiugda sa lokal nga panggamhanan ug mga concerned agencies ug departamento, sa tumong nga mapasabot sa katawhan, apil ang mga kababainhan, kabataan ug mga gikan sa tri-people ang BOL, nga mao matud pa ang produkto sa negosasyon tali sa gobyerno sa Pilipinas ug MILF aron maundang na ang ilang pagpakigbisog nga sulod na sa dugay nga panahon ug matapos ang kagubot nga dugay nang gihandum sa kadaghanan.
