GENERAL SANTOS CITY – Nagpahimangno si Dr. Jacinto Makilang sa City Health Office, ngadto sa mga residente as dakbayan, alang sa mga viral diseases gumikan sa hilabihang kainit sa panahon, dungan sa summer season.
Pipila niini mao ang common cold, hilanat, smallpox, measles, mumps, ug warts.
Giawhag ni Dr. Makilang kadtong mga makaangkon o matakdan sa susamang viral diseases nga gilayong mudangop sa mga barangay health centers aron mahatagan ug libreng medikal nga atensyon.
Kahinumduman nga nagpahimangno usab ang Department of Health ngadto sa katawhan nga likayan nga magpainit sa adlaw gikan alas-10:00 sa buntag hangtod pasado alas-3:00 sa hapon.
Kini gumikan ang sobrang exposure matud pa sa init sa adlaw ning panahuna ang makaresulta ug heat stroke.
Hinungdan nga gitambagan ang tanan nga kanunay’ng muinom ug saktong gidaghanan sa tubig, ug mutinir sa mga mas bugnaw nga lugar, hilabi na kon init na kaayo ang panahon.
