GENERAL SANTOS CITY – Nalisdan ang kapulisan sa pag-ila sa mga suspek nga responsable sa pagtulis sa usa ka internet cafe sa Zodiac East Drive Phase 2, Zone 3 Pulutana Brgy. Cannery Polomolok South Cotabato.
Sa gihimong imbestigasyon, unom ka wala mailhing lalaki ang kalit nga misulod sa E-net cafe nga panag-iya ni Metodio Roloni, 47-anyos og mideklara og holdap nga ang usa niini ang nagbitbit ug armalite.
Gikuha sa mga suspek ang P500 nga income sa internet cafe , duha ka computer monitor og yawe sa ilang mga drawer.
Biktima usab sa pagpanulis si Roel Sigaton human nga gikuha ang iyang sling bag nga may P4,000 og cellphone.
Samtang nakuha usab sa tulisan ang cellphone nilang Melvin Fernandez Alolod og Sammy Cadungon. Matud pa sa watcher sa internet cafe nga mibiya ang mga suspek gamit ang tulo ka motor og mipadulong sa wala matino nga direksyon.
Sa iyang pamahayag nga wala kaayo naklaro ang panagway sa mga suspek human sila nga gipahupo. Pagkakaron, nakig-alayon ang kapulisan sa tapad nga establisiemento sa internet cafe alang sa posibleng nakuha nga footage sa ilang CCTV camera.
Kini human nga nasuta nga walay kaugalingong CCTV ang internet cafe nga gitulis gawas pa nga ngitngit ang gawas nga bahin niini.
