GENERAL SANTOS CITY – Giklaro ni Kag. Geng Gacal kon unsa ang mga rason sa paspas nga pagbasura sa SP sa aplikasyon sa PCSO sa concurrence alang sa operasyon sa STL sa syudad.
Matud pa, nag-unang hinungdan nga walay transparency sa ilang kita ang STL gawas pa nga wala nagustuhan sa mga City councilors ang walay limitasyon sa outlets niini.
Miboto usab og ‘No” si Kag. Lulu Casabuena nga dili tugtan ang operasyon sa STL sa syudad.
Gikanayon niini nga gihimo kini aron protektahan ang mga kabatan-unan nga malambigit sa sugal.
Sa iyang pamahayag nga dakong tabang ang PCSO apan dili kaya sa iyang konsensiya nga makit-ang pati ang mga bata gataya sa STL.
Samtang gibarugan ni Kag. Beth Bagonoc hangtud sa ikatulo hangtud sa ulahing pagbasa nga supak kini sa STL.
Kini human nga nagpabiling mibotar ug “No” sa operasyon sa maong sugal nga makaguba sa imahen sa dakbayan og sa kaugmaon sa mga kabatan-unan.
Gibutyag ni Kag. Bagonoc, gihimong prayoridad sa session konseho kagahapon tungod dili gustong maunhan og Temporary Restaining Order una maaprubahan ang resolusyon kalabut sa pagbawal sa pag-operate sa Small town lottery.
Kahibaluan nga nahimong unanimous ang nahimong desisyon sa SP sa resolosyon nga gisumiti ni Kag. Gacal kalabutan sa pagbasura sa operasyon sa STL.
