-- ADVERTISEMENT --
GENERAL SANTOS CITY – Gituohang mga miyembro sa New Peoples Army (NPA) ang responsable sa pagsunog sa packing plant sa Sitio Lacad, Brgy Laconon, T’boli, South Cotabato.
Gipanag-iyahan ang naasoy’ng planta sa Lapanday Foods Corporation.
Sa inisyal nga imbestigasyon, nahitabo ang insidente kaniadtong Lunes sa gabii, Oktobre 2, human matud pa gisulod sa pipila ka mga fully-armed nga mga kalalakin-an ang naasoy’ng planta.
Lakip usab nga gisunog sa mga suspek ang duha ka water tankers, ug gikawat ang usa ka shotgun, usa ka 9mm pistol ug handheld radio gikan sa planta.
Sa karon padayong giimbestigahan sa kapulisan ang insidente, aron masayran ang motibo ug ilhanan sa mga suspek.
-- ADVERTISEMENT --
