GENERAL SANTOS CITY – Grupo sa rebeldeng NPA ang gidudahan nga responsable sa pagpamusil patay sa usa ka CAFGU member sa Brgy. Anapulon, Arakan, Cotabato.
Matud pa ni PO3 Arnold Movinia sa Arakan Municipal Police Station, kini basi sa pahayag sa ugangan sa biktima samtang nagpadayon ang imbestigasyon sa kaso.
Sumala pa ni Po3 Movinia, gipusil ang biktima nga si Jeffrey Betonio kagahapon sa buntag dihang naghatud ug estudyante sa tulunghaan.
Apan sa pagbalik, giatangan kini sa tulo ka wala mailhing lalaki og gitiro gamit matud pa ang punto kuwarentay singko nga pusil.
Nakaangkon ug daghang samad pinusilan ang biktima ug gidala pa sa ospital apan gideklara nga dead on arrival.
Pagkakaron, padayon ang pagpangalap og impormasyon ang kapulisan sa Arakan aron masayran ang motibo og ilhanan sa mga suspek
