GENERAL SANTOS CITY – Mukapin usa ka milyon ka pesos ang kantidad sa shabu ang nakuha sa mga sakop sa Philppine Drug Enforcement Agency 12 sa panimalay sa nagpangalan ug Michelle Allaga nga residente sa katangawan niining dakbayan.
Matud ni PDEA Director Gil Castro nga dugay nang naa sa target list ang nahisgutang babaye hinungdan nga ilang gikuhaan ug search Warrant sa RTC 35.
Gikumpirma ni Director Castro nga tulo ka dagkong sachet sa shabu ang ilang nakuha samtang sikop usab ang target suspek.
Ila usab gisulod ang panimalay sa igsuon ni Michelle nga si Melvin Allaga didto sa malandag malungon ug nakuhaan ug usa ka sachet sa druga.
Apan alang kang Lourdes Allaga Inhana nilang Michelle ug Melvin nga gipangputol sa taga PDEA ang linya sa CCTV ug gipangkuha ang cash ug ATM card sa iyang anak nga si Michelle.
Matud niini nga usa ka negosyante ang anak nga contructor matud pa sa DOLE Philippines.
Nasuta nga pulos naa sa kustudiya ang managsuon samtang ginapadali ang pagpasaka ug kaso.
