GENERAL SANTOS CITY – Bisan ug na-busy alang sa umaabot nga away sa adlaw’ng Dominggo, Hulyo 2, ug gikapoy sa biyahe, wala nakalimtan nakaligtaan ni eight division world champion Manny Pacquiao nga mugahin ug panahon sa Diyos, ug nagsimba kagahapong adlawa didto sa Brisbane, Australia.
Human makapahulay human sa biyahe, nakakita ug simbahan ang fighting senator ug didto mi-atender ug church service.
Matud kang Pacquiao, ang Dominggo mao ang worship day ug adlaw alang sa paghatag ug oras sa Diyos, aron magpasalamat sa tanang grasya nga gihatag Niini.
Samtang, gibutyag sa Bombo Radyo ni assistant trainer Buboy Fernandez nga ning adlawa magpahigayon ug light sparring si Pacquiao.
Dungan niini, gatuo ang Pambansang Kamao nga iyang tapuson ang unbeaten ni Horn atubangan sa Suncorp Stadium crowd aron mapabilin ang iyang WBO welterweight championship title.
