GENERAL SANTOS CITY – GENERAL SANTOS CITY – Duha ka insidente sa pagpanunggab ang natigayon sa managlahing lugar dinhi sa dakbayan kon asa ang mga responsable mga Children in conflict with the law kon gikonsidera nga mga sukarap.
Unang insidente natigayon alas 11:14 kagabie sa Prk 19 New Bayanihan Fatima ning
syudad kon asa ang biktima ang nailhan nga si John Robert Luquero, 25, nga residente sa maong lugar.
Gibutyag nga kalit nga giduolan sa suspek ang biktima og gidunggab. Paspas nga misibat palayo sa lugar ang suspek samtang ang biktima ang gidala gilayon sa Dr. Jorge P Royeca Hospital human nga nakaangkon og daghang samad dinunggaban.
Ikaduhang insidente sa pagpanunggab ang natigayon kaganihang alas 1:14 sayo sa kaadlawon kon asa ang biktima ang nailhan nga si Arkin Ramos, 29 anyos nga taga Saeg Brgy Calumpang ning syudad.
Gibutyag nga natripan lamang matud pa sa suspek ang biktima og gidunggab niini og naigo sa tuo nga dughan.
Segun sa mga testigo nga igo ra nagtindog ang biktima apan giduolan sa suspek og gidunggab.
