GENERAL SANTOS CITY – Gisuspende na ang military ug police operations sa bahin sa Sultan Kudarat alang sa pagrelease duha ka sundalo nga gidagit sa New People’s Army (NPA) sa Columbio.
Matud ni Sultan Kudarat Governor Sultan Pax Mangudadatu, mihangyo siya sa kapulisan ug militar sa Columbio ug mga kasikbit-lugar nga undangon una ang ilang operasyon hangtod mahuman ang negosasyon sa pagbuhi sa mga bihag nga sundalo.
Matud pa sa gobernador nga chairman usab sa Regional Peace and Order Council of Region 12, nakahinabi niini ang eader sa NPA nga maoy naghupot kanilang Sgt. Solaiman Calocop ug Private 1st Class (Pfc) Samuel Garay, nga mga prisoners of war.
Gihingusgan usab sa opisyal nga walay demand ang nahisgutang grupo sa NPA alang sa pag-release sa mga sundalo.
Apan gipaniguro niini nga able silang makighinabi sa rebeldeng grupo alang sa mga bihag nila nga sundalo.
