Ang 9 anyos nga anak sa nitaliwan nga miyembro sa One Direction nga si Liam Payne ang makapanunod sa tanan niyang kabtangan, sumala sa usa ka taho.
Sumala sa mga dokumento sa korte, si Bear Grey Payne, anak ni Liam sa iyang kaubang mag-aawit nga si Cheryl, makapanunod sa gibanabanang $29 milyon, o gibana-bana nga P1.77 bilyon, sa kabtangan sa mag-aawit.
Natawo si Bear niadtong 2017. Bisan pa man og nagbulag sila si Liam ug Cheryl paglabay sa usa ka tuig, nagpabilin silang magkauban sa pagpadako sa ilang anak.
Namatay si Liam niadtong Oktubre 16, 2024, human mahulog gikan sa ikatulong andana sa usa ka hotel sa Buenos Aires, Argentina.
Tungod sa grabeng mga samad nga iyang naangkon, gideklarar siya nga dead on arrival sa mga medical personnel nga niresponde.
