Gibutyag ni Cebu City Acting Mayor Raymond Alvin Garcia nga “extremely successful” ang gipahigayon nga constructor’s meeting sa Cebu City Sports Center.
Kini human nga gikan sa 50%, misaka na ug nahimo ng 70% ang kahumanan sa venue sa umaabot nga Palarong Pambansa 2024.
Gani, mipadayag og pasalig si Garcia nga ang panahon sa ting-ulan dili kinahanglan nga makaapekto sa pagpangandam.
Samtang, ang Cebu Bus Rapid Transit Project nipasalig kanila atol sa usa ka panagtigom niadtong milaybang adlaw nga mahuman na ang nagpadayong konstruksyon sa mga lugar nga gi-okupahan sa dili pa magsugod ang naasoy nga sports event nga magsugod sa Hulyo 6 ngadto na sa Hulyo 17 ning tuiga.
Una niini, nagpahigayon ug inspeksyon si Garcia uban sila si Department of Education Assistant Secretary Francis Bringas, Cebu City Sports Commissioner John Pages ug uban pang mga opisyales aron sa pagsusi sa venue.
Gani, mipadayag sila sa ilang kampante human nakita ang preparasyon sa CCSC ug mga minor adjustments nalang ang kinahanglang humanon aron hingpit na kini nga mahuman ug magamit sa umaabot nga kalihokan.
