GENERAL SANTOSA CITY – Nibisita sa dakbayan ang Australian Ambassador to the Philippines niaging adlaw nga Huwebes kini dungan sa kasaulogan sa ika-75 nga Philippines-Australia Friendship Day.

Kauban ni Steven J. Robinson AO ang iyang delegasyon kung asa miatender og ‘tree planting activity’ sa Plaza Heneral Santos.

Sa iyang pagpamulong, gipadayag sa nasampit ang dungog niini nga makaabot sa dakbayan sa una nga higayon.

Gidayeg ang mainiton nga pagsugat kanila sa mga Heneral atol sa ilang pagbisita.

Gihingusgan usab ni Ambassador Robinson nga ang maayong relasyon sa Pilipinas og Australia nagkalalom na sulod na sa 75 ka tuig og naninguha nga kini ang magpadayon sa dugay nga panahoM.

Kauban ni Ambassador Robinson si Political Councilor James Yeomans, Political Second Secretary of the Australian Embassy Jarrah Tippet-Moore, og Political Third Secretary of the Australian Embassy Alexander O’Hara.

Ang tree planting activity gitambungan usab ni City Councilor Lulu Casabuena, miembro sa Australia Global Alumni, og uban pang government officials.

Pito ka punuan sa kahoy ang gitanum sa Plaza Heneral Santos kung asa simbolo sa pito ka mga tag-as nga bisita.