6.8 magnitude nga linog nasinati-an sa nasud Cuba

Gitay-og sa 6.8 magnitude nga linog ang eastern Cuba niini nga semana pipila ka adlaw human gihuros sa hurricane Rafael ang lugar nga nagresulta sa nationwide blackouts.

Matud sa United States Geological Survey, ang epicenter sa naasoy nga linog natala 25 milyas sa habagatang bahin sa munisipalidad sa Bartolomé Masó, Cuba.

Gawas pa niini, gipakulbaan usab ang mga residente sa 5.9 magnitude nga linog usa ka oras una nasinati-an ang ikaduha nga makusog nga pagtay-og .

Bisan sa duha ka nagsunod nga paglihok sa yuta walay gikataho nga adunay nahitabo nga tsunami.

Luyo niini walay natala ang mga awtoridad nga namatay tungod sa maong panghitabo.