GENERAL SANTOS CITY – Mukabat sa 51 ang bag-ong kaso sa COVID 19 ang natala sa DOH – Center for Health Development Soccsksargen Region.
Nasayran usab nga 54 ang bag-ong nakarekober og nadugangan sa duha ang patay.
Sa nasampit nga ihap 22 ang gikan sa Cotabato Province, 13 sa Sultan Kudarat, 10 sa South Cotabato, unom sa GenSan og walay natala nga kaso sa Sarangani Province.
Gumikan niini mukabat na sa 1,750 ang kaso sa COVID 19 sa GenSan, 159 ang active cases og 74 ang patay.
Ang South Cotabato ang may 1,380 ka kaso, 93 ang active cases og 36 ang nakabsan sa kinabuhi.
Ang Cotabato Province ang may 699 ka kaso, 175 ang active cases og 33 ang patay.
Ang Sultan Kudarat ang may 513 ka kaso, 62 ang active cases og 16 ang patay.
Ang Sarangani Province ang may 503 ka kaso, 37 ang active cases og 17 ang patay.
Sa katibuk-an adunay 4,845 ka COVID-19 confirmed cases sa Region 12 kung asa 526 o 10.86% ang active cases, 4,142 o 85.49% ang recoveries og 176 o 3.63% ang COVID-19 related deaths.
