GENERAL SANTOS CITY – Giawhag ni General Santos City Mayor Lorelie Pacquiao ang mga benipisyaryo sa livelihood grant sa Department of Labor and Employment nga ampingan pagmaayo ang nadawat nga tabang ug palambuon aron makatabang sa uban nga panginabuhi-an.
Kini human gipangunahan ni Mayor Pacquiao ang pagtugyan sa Kabuhayan Starter Kits sa 48 ka mga benepisyaryo nga gagikan sa informal sectors.
Matud sa Mayor ang 21 ka myembro sa Labangal Community Workers Association ang nakdawat ug vending frozen products samtang dugang 27 ka myembro sa GenSan Taxi Drivers and Operators ang midawat sa ilang auto parts and supplies.
Gipasalamatan usab sa Mayor ang kaayo sa Department of Labor ang Employment ug sa buhatan ni Senator Bato Dela Rosa sa paghatag ug P400,000 livelihood grant sa 48 ka benipisyaryo.
