Gikonsiderar karon ni kanhing Senate President Vicente Sotto III nga posibleng adunay kalabotan sa impeachment case ni Vice President Sara Duterte ang iyang pagkakatangtang sa liderato sa Senado.
Sa usa ka pakighinabi human siya mapulihan ni bag-ong Senate President Alan Peter Cayetano, miingon si Sotto nga “strong possibility” nga naapektuhan ang iyang posisyon tungod sa iyang plano nga dali nga i-convene ang Senado isip impeachment court kon madawat na ang Articles of Impeachment batok kang VP Sara Duterte.
Bisan pa niini, giingon usab ni Sotto nga wala siyay kasuko sa iyang pagkawala sa posisyon ug giisip niya kini nga normal nga bahin sa iyang dugay nang karera sa politika.
Miingon siya nga sukad pa niadtong 1992, pipila na ka higayon nga napulihan siya puwesto ug dawaton niya kini isip normal nga kalakaran sa Senado.
Gipahayag usab niya nga wala’y direktang nagpasabot kaniya sa rason sa pag-ilis sa liderato.
Ang posibleng impeachment trial ni VP Sara gilauman nga mahitabo sa Senado human mapasa sa Ubos Balaoranan ang Articles of Impeachment batok kaniya.
