-- ADVERTISEMENT --
Upat ang kompirmadong patay samtang kapin sa 30 ang nasamdan sa pagpamusil nga nahitabo sa Apalachee High School sa Winder, Georgia. Gitanggong na sa mga otoridad ang suspek diin padayon nilang ginatumbok ang motibo sa maong krimen.
Gikabutyag nga mahimong motaas pa ang ihap sa nangamatay tungod sa kahimtang sa ubang mga biktima nga daling gidala sa tambalanan.
Sa pikas bahin, nagpahidangat na ug pahasubo sila si US President Joe Biden ug Vice President Kamala Harris ngadto sa kabanay sa mga biktima.
Nasayran nga sagad nahimong lugar sa mga pagpamusil sa Amerika ang mga tulunghaan ug pampublikong lugar. Kahibaloan nga dugay na nga problema sa Amerika ang gun control.
