Naglunsad ang Ukraine og labing lawom nga pag-atake niini sulod sa teritoryo sa Russia human targeton sa mga long-range drone ang duha ka pasilidad sa gas sa Arctic nga kapin 3,000 kilometro ang gilay-on gikan sa utlanan.
Gigamit sa Ukrainian Armed Forces ang mga barato nga FP-1 drone aron atakehon ang mga importanteng planta sa pagproseso sa gas sa Novy Urengoy ug Purovsky.
Giingon ni Ukrainian President Volodymyr Zelenskyy nga makatarunganon ang maong operasyon tungod kay tumong niini nga pahuyangon ang energy infrastructure sa Russia.
Ang rehiyon sa Yamalo-Nenets mao ang usa sa pinakaimportanteng tinubdan sa enerhiya sa Russia, diin gikan niini ang kapin 80 percent sa natural gas production sa nasod.
Gilauman nga mahimong dakong hulga sa ekonomiya sa Russia ang bag-ong kapasidad sa Ukraine nga makaabot sa mga pasilidad sa lana ug gas nga layo gikan sa ilang teritoryo.
Samtang, nakahatag usab kini og kabalaka sa European Union tungod sa posibilidad nga mosaka ang presyo ug magkulang ang suplay sa enerhiya samtang nagkaduol ang tingtugnaw.
