GENERAL SANTOS CITY – Usa ang nadugang nga namatay sa GenSan human nagpositibo sa COVID 19 base sa labing ulahing report sa DOH – Center for Health Development Soccsksargen Region.
Ang namatay nga pasyente usa ka 55 anyos nga babaye nga gireport nga ika-3793 kumpirmadong kaso sa COVID 19.
Ang nasampit nakabsan sa kinabuhi gumikan sa acute respiratory distress syndrome secondary to COVID-19 pneumonia severe to critical.
Sa katibuk-an 133 na ang patay sa Rehiyon 12 gumikan sa maong virus.
Ang GenSan ang may labing daghang kaso sa namatay nga anaa sa 48, Cotabato City 35, South Cotabato 17, Sarangani 13, North Cotabato 12 og Sultan Kudarat adunay walo nga napatay sa maong virus.
Samtang ang nanguna ang GenSan sa adunay labing daghang kaso sa COVID 19 human nadugang ang 24 ka bag-ong COVID cases sa Region 12.
Gumikan niini ang GenSan sa pagkakaron aduna nay 1,144 ka COVID cases, 161 ang aktibo og 935 ang nakarekober.
Ang South Cotabato ang may 991 ka kaso, 82 active cases samtang ang nakarekober ang anaa sa 892.
Ang Cotabato City ang may 910 ka kaso, 126 ang active cases, og 749 ang nakarekober.
Ang Sarangani ang may 371 ka kaso, 50 ang active cases og 308 ang nagmaayo.
Ang North Cotabato ang may 294 ka kaso, 23 ang active cases og 258 ang nakarekober.
Ang Sultan Kudarat ang may 213 ka kaso, 20 ang aktibong kaso og 185 ang nakarekober.
Sa pakakaron anaa na sa 3,923 ang kaso sa COVID 19 sa Rehiyon 12 kung asa 462 ang active cases og 3,327 ang nakarekober.
