GENERAL SANTOS CITY – Gikumpirma ni Dr. Gina Galinato, Provincial Health Officer sa Sultan Kudarat, nga adunay tulo ka kaso sa Monkeypox (Mpox) nga natala sa Sultan Kudarat.
Ang mga pasyente kasamtangang gipailawom sa isolation ug pulos lalaki.
Sumala sa interview ni Dr. Galinato sa Bombo Hanay Bigtime, ang unang kaso ang may travel history sa Norala, South Cotabato.
Samtang ang ikaduhang kaso, usa ka 21-anyos nga lalaki gikan sa Tacurong City, miapil sa usa ka social event, diin giingong maoy posible nga lugar sa pagkahawa sa sakit.
Usa pa ka kaso nga 45-anyos, walay gireport nga travel history, apan positibo gihapon sa mpox.
Gilusad gilayon ang contact tracing sa Provincial Health Office.
Sumala pa ni Dr. Galinato, sa mpox, importante nga masuta ang mga na-close contact sulod sa 21 ka adlaw gikan sa pagsugod sa sintomas.
Ang mga close contact sa mga sakit sa mpox ang wala nagpakita og sintomas sama sa hilanat, sore throat, kasakit sa likod, o mga pantal sa panit.
