GENERAL SANTOS CITY – Mukabat sa 217 ang bag-ong kaso sa COVID 19 sa Region 12 base sa labing ulahing report sa DOH – Center for Health Development Soccsksargen Region.
Sa maong report anaa sa 78 ang bag-ong nakarekober og 11 ang patay.
Sa mga namatay duha ang gikan sa Kiamba, Sarangani, duha sa Koronadal City, lima sa Cotabato kung asa duha gikan sa Pikit, usa sa Mlang, usa sa Libungan, Magpet President Roxas samtang usa ang gikan sa GenSan.
Sa 217 ka kaso, 73 ang gikan sa South Cotabato, kung asa labing daghan ang mga residente sa Koronadal City 31, Tampakan 12, og tag 10 sa Polomolok og T’boli. Samtang 68 ang natala gikan sa GenSan, 37 sa Cotabato, 30 sa Sarangani kung asa 25 ang residente sa Kiamba, og siyam sa Sultan Kudarat.
Gumikan niini anaa sa 3,160 samtang 490 ang active cases, og 108 ang patay sa GenSan.
Sa South Cotabato adunay 3,138 ka kaso, 569 ang active cases og 74 ang nakabsan sa kinabuhi.
Ang Cotabato Province ang may 1,604 ka kaso, 279 ang active cases og 90 ang patay.
Ang Sarangani ang may 1,035 ka kaso, 256 ang active cases og 20 ang nakabsan sa kinabuhi.
Ang Sultan Kudarat ang may 967 ka kaso, 129 ang active cases og 26 ang patay.
Sa katibuk-an adunay 9,904 COVID-19 ang confirmed cases sa SOCCSKSARGEN region kung asa 1,741 (17.58%) ang active cases, 7,843 (79.19%) ang recoveries og 318 (3.21%) ang COVID-19 related deaths.
