Nakab-ot sa 21-anyos nga si Saul Hafting gikan sa Annapolis Royal, Nova Scotia ang iyang dugay nang pangandoy nga makita ang iyang ngalan sa Guinness World Records human siya makasulbad og 211 ka Rubik’s Cube samtang nag-bounce gamit ang pogo stick.
16 anyos pa si Hafting niadtong 2021 sa dihang iyang gisulayan ang rekord alang sa pinakadaghan nga rotating puzzle cubes nga nasulbad samtang nagsakay og pogo stick.
Gi-aprobahan ang iyang rekord niadtong 2022, diin iyang nalupig ang kanhing rekord nga 65 ka Rubik’s Cube, ug nakadawat siya og sertipiko ug napakita ang iyang rekord sa website sa Guinness World Records.
Bisan pa niini, wala dayon maapil ang iyang rekord sa tinuig nga libro sa organisasyon hangtod nga nakadawat siya og email gikan sa mga opisyal sayo ning tuiga nga ipakita na kini sa Guinness World Records 2027.
Gipahayag ni Hafting nga excited siya nga makapalit sa iyang kaugalingong kopya sa libro ug makita ang iyang ngalan niini.
