Duha ka Filipinong mananagat ang gikataho nga nasamdan human mibuto ang makina sa ilang fishing boat duol sa Bajo de Masinloc sa Scarborough Shoal niadtong June 29,2024.
Kini ang gikataho sa Philippine Coast Guard (PCG).
Base sa mga hulagway nga gipa-ambit sa PCG, makita ang damyos sa motor banca.
Nakita usab sa lugar ang duha ka barko sa China Coast Guard.
Sumala sa PCG, gisulayan pa sa China Coast nga harangon ang himuon nilang rescue operations bisan pa gisultihan sila nga aduna silay gihatagan ug pagtagad nga emergency situations.
Sumala usab ni PCG Spokesperson Rear Admiral Armand Balilio nga base sa pahayag sa kapitan sa BRP Sindangan (MRRV-4407), nga ang rason sa pagbuto tungod sa faulty battery starter motor.
Human ma-rescue, gilayong gidala sa mga sakop sa PCG ang mga mananagat sa Subic Bay.
