Padayon pang ginapangita karun sa Sarangani Police Provincial Office ang suspek nga giilang si Klayol Fiang human nga malampusong napahigayon ang marijuana eradication sa Sitio Magbok, Barangay Blaan, Malungon, Sarangani Province kagahapong adlawa 01:33 sa hapon.
Gikabutyag nga gipangunahan ni PCol. Deanry Francisco ang Provincial Director sa SPPO kauban ang mga personahe sa Philippine Drug Enforcement Agency (PDEA) 12, 73rd Infantry Battalion, Philippine Coast Guard 12, Kiblawan Municipal Police Station ug mga Barangay Officials sa Barangay Blaan kon asa ilang gipang-ibot ug gisunog ang kapin o kulang 11,000 fully grown marijuana plants ug 3,000 Marijuana seedlings.
Sa area nasunog ang 2 ka pundok sa tanom nga marijuana plane nga gibana-banaang adunay estimated value nga P2,200,000.
Human sa operasyon, ang mga otoridad ang anaa sa luwas nga kahimtang.
