Mga ka- Bombo! Bisag lisod tuohan, kinsay magtuo nga posibleng adunay allergy sa tubig? Kani oh.. usa ka 19-anyos nga babaye sa Hampshire, Inglaterra literal nga “alergic sa earth”—lakip na ang tubig! Tungod sa iyang daghang allergy.
Giila kini nga si Chloe Ramsay kinsa miingon nga napugos siya sa paggamit sa usa ka color-coded list aron masubay ang tanan nga mahimong hinungdan sa iyang grabe nga reaksiyon sa alergy.
Sumala sa taho, sa edad nga 19, gidid-an siya sa kapin sa 40 ka butang, lakip sa prutas, pahumot, ug bisan ulan!
Ang iyang labing talagsaon nga kahimtang? gitawag nga ‘ Aquagenic urticaria’ usa ka talagsaon nga alergy sa tubig.
Ug matod pa niya, sa dihang wala siya moinom sa tambal, grabe ang pantal sa panit niya kada maligo o magbasa. Aron makontrol ang iyahang kondisyon, gagamit siya ug spreadsheet nga adinay traffic light system: Color green para sa luwas, yellow para sa delikado, ug pula para sa allergic reaction.
Bisan pa niini, nagpasalamat siya sa tambal nga ginjection kaniya matag buwan, tungod mawala ang iyang alergy sa tubig.
Apan tungod sa kadaghan sa iyang mga bawal—gikan sa prutas, pagkaon, papilit ug kandila—kinahanglan gihapon siyang magmatngon sa iyang matag lihok.
