Nakapatay na ug 14 ka mga tawo ug nagpugos sa liboan ka mga tawo sa pagbakwit ang bagyong Kristine.
Luyo niini walay puas sa gihapon ang mga pagbundak sa ulan nga naghimo sa mga kadalanan sa mga lugar sa kauluhan nga daw mga suba samtang nalubong sa tubig ang ubang mga baryo lakip mga salakyanan ug ubang mga butang.
Labing menos 32,000 ka mga tawo ang mibakwit gikan sa ilang mga balay.
Sumala sa usa ka emergency meeting sa mga ahensya sa gobyerno kauban si President Ferdinand Marcos Jr. may gikabalak-an pa nga mas grabe nga sitwasyon gumikan sa pag landfall sa maong bagyo sa Isabela.
Sa karun miabot na sa kinatibuk-ang 382,302 nga indibidwal o bugti sa 77,910 nga pamilya ang apektado sa Severe Tropical Storm Kristine sa Bicol Region, Western Visayas, Eastern Visayas, ug Zamboanga Peninsula.
Kini ang ginumpirma sa National Disaster Risk Reduction and Management Council.
