GENERAL SANTOS CITY – Gilubong na ang usa sa tulo ka pulis nga napatay sa natigayong karambola sa tulo ka mga sakyanan sa miaging semana sa Purok Matin-ao, Brgy. Silway 8, Polomolok, South Cotabato.
Gawas sa pamilya og mga higala, nihatud sa patayng lawas ni Spo2 Ramon Vistabella ngadto sa ulahing kapahulayan niini sa Golden Valley Memorial Garden Koronadal ang pipila sa iyang mga batchmate og mga kaubanan sa trabaho.
Kaniadtong sabado dihang gilubong usab ang kauban usab nga pulis nga si Spo2 Henry Baliao didto sa Isulan Sultan Kudarat. Samtang gikatakdang ilubong sa Pebrero 11 si Spo2 Arnel Halis didto sa Santo Niño South Cotabato.
Kon kahinumduman nga ang tulo ang namatay human nga nibangga sa pamasaheruan nga van ang ilang gisakyan human nga buot unta mu-overtake sa gisundan nga dumptruck apan nibalik sa agi tungod gilikayan ang tawo nga anaa tunga sa dalan..
Nasayran nga gawas sa tulo ka pulis nga namatay, daghan usab ang samaron nga tawo nga kasagaran mga pasahero sa van og pipila niini sakay sa dumptruck nga paingon sa KOronadal.
