Malampuson nga nahuman ni Yeng Constantino ang iyang duha ka gabii nga “Biyaheng Bente” concert sa Smart Araneta Coliseum niadtong Agosto 28 ug 29, isip pagsaulog sa iyang ika-20 anibersaryo sa industriya sa musika.
Napuno sa mga fans ang duha ka gabii sa concert, diin sold out ang duha ka shows tungod sa dakong suporta sa mga sumusunod ni Yeng. Daghang higala ug kauban sa industriya ang mitambong aron mosuporta sa singer-songwriter sa iyang milestone.
Nahimo usab nga emosyonal ang ikaduhang gabii human gipakita ni Yeng ang iyang pagpasalamat sa mga fans nga nagpabasa sa kusog nga ulan aron makatambong sa iyang concert.
Lakip sa mga highlight sa Day 2 ang pagharana ni Yeng kang Ryan Bang atol sa maong concert, diin ilang gipakita ang ilang cute ug makalingaw nga interaction. Ang maong moment nakakuha usab og atensyon sa mga fans ug gisabayan og mga reaksyon sa social media
Human sa malampusong duha ka gabii sa Manila, dad-on usab ni Yeng ang “Biyaheng Bente” sa Cebu sa Septiyembre 20, 2026.
