Dako ang kalahi-an sa reaksyon sa mga residente sa Pilipinas kung ikumpara sa taga Japan kung adunay masinati-an nga linog.
Matud ni Bombo International Correspondent Hanna Galvez nga sa kadugay na nga pagpuyo niini sa Tokyo Japan maihap ra sa tudlo ang mga tawo didto nga managan, magsiyagit, maghilak sa kahadlok gumikan sa linog.
Pagsaysay niini nga sa bag-uhay nasinati-an nga magnitude 7.1 nga linog sa Japan tungod hilum ang mga residente ug nagpabilin lamang sa ilang pinuy-anan samtang adunay uban nga mugawas sa balay apan nagpabilin nga makalmahon.
Gikadugang niini nga bisan unom ka tuig nga bata nasayod na sa himuon kung adunay pagtay-ug sa yuta ug uban nga kalamidad sama sa bagyo ug uban pa.
Gikabutyag ni Galvez nga ulahi na lamang gipagawas sa gobyerno nga may nahugno nga bakilid, gambalay samtang mukabat sa 16 ang naangol apan walay namatay sa nahitabo nga linog.
Gani gisuspenso pa sa gobyerno ang operisyon sa transportation sa Japan sama sa bullet train padulong sa mga probinsya .
Nasuta nga Agusto sais ug Agusto nueve gihinumdum sa taga ang anibersaryo sa mangilngig nga Heroshima ug Nagazaki bombing hinungdan gihatagan ug upat ka adlaw nga holiday
