Gipahibalo sa US nga wala pa’y klarong takdang panahon karon kon kanus-a matapos ang giyera sa Iran.
Kini human miingon ang Iran nga imposible nang maablihan pag-usab ang Strait of Hormuz.
Sa pagkakaron, nagpadayon ang pagpangandam alang sa pagpadayon sa peace talks sa Pakistan.
Sumala kang Iranian President Masoud Pezeshkian, nagpabiling abri ang Iran sa mga diskusyon apan iyang giingon usab nga nagpabiling babag sa tinuod nga negosasyon ang paglapas sa US sa ilang mga commitments ingon man ang blockade sa Iranian ports ug ang mga hulga niini.
Nagpabilin usab sa Amerika si US Vice President JD Vance, nga gilauman nga mangulo sa delegasyon sa Amerika sa peace talks sa Pakistan.
Samtang, bisan pa nga una nang gipalawig ni US President Donald Trump ang ceasefire, miingon si House Press Secretary Karoline Leavitt nga “open-ended” ang extension sa ceasefire ug wala’y bag-ong deadline alang niini.
Sa pagkakaron, nagpadayon ang tensiyon sa Strait of Hormuz, diin sumala sa chief negotiator sa Iran nga imposible nang maablihan pag-usab ang agianan tungod sa mga paglapas sa US ug Israel sa ceasefire.
