Gitawag ni Vice President Sara Duterte si kanhi DepEd Usec. Gloria Mercado isip parte sa matod pa political machinery batok kaniya.
Gibutyag ni VP Duterte, ginagamit lamang si Mercado aron dauton ang iyang pangalan sa mga katawhang Pilipino.
Kalabot niini giawhag niini ang mga magbabalaod nga dili mugamit og mga resource person nga walay kredibilidad og kwestyunable ang tinguha.
Gihimo ni VP Sara ang maong pahayag human nga ibulgar ni Mercado sa nahimong pagdungog sa Kamara nga nakadawat matod pa siya og P50,000 matag bulan gikan sa opisina sa kaniadto kalihim sa DepEd nga si VP Sara Duterte.
Sa pagpangutana ni Rep. Gerville Luistro kang Mercado kung kini ba suhol kaniya , wala direktang gitubag ni Mercado kung oo o dili.
Una nang gitawag ni VP Sara si Mercado nga ‘disgruntled former employee’ human nga gitaktak sa pwesto.
Giakusahan niini si Mercado nga nagsolicit matod pa og P16M nga kantidad sa gamit sa usa ka pribadong kumpanya nga matod pa klaro nga paglapas sa balaod
