Gipasanginlan ni Bise Presidente Sara Duterte si Presidente Ferdinand Marcos Jr. ug ang iyang administrasyon nga gibutang sa peligro ang kinabuhi sa iyang amahan.
Kini luyo sa pagpahigayon og welfare check sa Philippine Embassy nga wala pahibaw-a ang pamilya samtang ang kanhi presidente gitanggong sa International Criminal Court (ICC) detention facility sa The Hague, Netherlands.
Ang Bise Presidente miingon nga ang Embahada sa Pilipinas klaro nga nag-abuso sa mga giya sa detention unit sa mga pagbisita sa consular.
Nasayran usab niya nga nihatag pa sila og report sa pagbisita direkta kang Presidente Marcos.
Matod niya nga klaro nga si Marcos ang nag-assign og mga personnel sa Embassy aron susihon ang kahimtang sa kanhi presidente.
Gitataw sa Bise Presidente nga wala kinahanglana sa amahan niya ang gobyerno sa Pilipinas tungod kay ang ilang pamilya ang makaatiman kaniya.
