Nagpasang-at na usab og bulag nga Petition for Certiorari and Prohibition sa Supreme Court si VP Sara Duterte kalabotan sa impeachment case nga gipasang-at batok kaniya sa Kamara.
Gisumite kini sa kampo sa bise presidente pinaagi sa Fortun Narvasa and Salazar law offices.
Nasayran nga nadawat na kini sa korte apan wala nagukod sa ilang en banc session kagahapon.
Gawas pa kini sa petisyon sa upat ka Mindanawon lawyers para babagan ang impeachment proceedings batok sa bise presidnete sa nasud.
Gihangyo usab sa mga abogado nga silang Atty. Israelito Torreon, Atty. Martin Delgra, Atty. James Reserva, Atty. Hillary Olga Reserva, og Atty. Luna Acosta nga magpagawas ang Korte Suprema ng Temporary Restraining Order (TRO) og Injunction para ipawalay bili ang impeachment complaint.
Kauban usab sa mga nagpetisyon ang Bise Mayor sa Davao City, pipila ka miyembro sa konseho sa maong syuadd og mga iladong political vloggers nga silang Darwin Salcedo, Lord Byron Cristobal, og Lord Oliver Raymund Cristobal.
Sumala nila, depektibo og dili angayang dunggon sa Senado ang impeachment complaint nga gipasang-at sa Kamara.
Kwestiyonable matod pa ang verification process sa impeachment complaint.
Gihingusgan sa mga petitioner, wala gitun-an pagmaayo sa mga nagpirma sa reklamo ang unod niini og pinakalit lamang nga gilakip ang isyu sa impeachment.
Apan depensa sa Kamara, moot and academic na kini tungod anaa sa Senado na ang reklamo og dili na ang korte ang may hurisdiksyon niini.
