Gisaway ni Vice President Sara Duterte ang Office of the President tungod sa giingong ulahi nga pagpagawas sa iyang travel authority, nga nakaapekto kuno sa iyang biyahe.
Sumala kang Duterte, nakahatag kini og pagduhaduha kon tugotan ba siya nga mobiyahe, mao nga iyang giusab ang iyang travel plans.
Gikumpirma sa Malacañang nga giaprubahan ang iyang travel authority kagahapon, Abril 22 alang sa pagbiyahe ngadto sa pipila ka mga nasud.
Gihangyo niya ang Palasyo nga mas paspason ang pagproseso sa mga mosunod nga travel request aron malikayan ang mga aberya sa preparasyon.
Dugang pa niya, importante usab ang husto nga pagdumala sa sensitibong mga dokumento.
Ang maong isyu nahitabo dungan sa impeachment hearings batok kaniya sa Kamara ug sa lahi nga desisyon sa International Criminal Court kabahin sa kaso sa iyang amahan nga si kanhi Pangulong Rodrigo Duterte.
