Nagtuo si Akbayan Rep. Chel Diokno nga dili pa kaayo importante o kritikal nga ablihan ang “green box” sa Bureau of Internal Revenue (BIR).
Sa kasamtangang hugna sa impeachment proceedings, dili pa kini kinahanglan sumala kaniya tungod kay posible kining gamiton isip rason aron kuwestiyunon ang proceedings sa korte.
Gipasabot ni Diokno nga ang pagpatawag sa Anti-Money Laundering Council (AMLC) ug Bureau of Internal Revenue (BIR) tungod sa dili klaro nga bahandi sa ikaduhang pangulo.
Igo na matod pa ang mga gipagawas sa AMLC nga transaction record sa mga bangko ni Vice President Sara Duterte ug ang aktuwal nga kopya sa iyang Statement of Assets, Liabilities and Net Worth (SALN) aron mapamatud-an nga aduna siya’y dili klaro nga bahandi.
Kahinumdoman nga nagkasinabot ang mga miyembro sa House Committee on Justice niadtong April 22 nga pagdungog nga dili pa una ablihan ang maong karton nga naglangkob sa tax records sa magtiayon nga sila VP Sara ug Mans Carpio.
Sa kasamtangang hugna sa proceedings diin nangita pa lamang ang komite og probable cause, nagtuo ang magbabalaod nga dili pa kinahanglan ipagawas ang sulod sa maong karton.
Bisan pa niini, mahimo pa kining ablihan sa ulahi, sa pag-uswag sa reklamo ngadto sa mas taas nga hugna.
