Giklaro ni Vice President ug kanhi Education Secretary Sara Duterte nga wala siya nagkomedya ug dili bomb threat ang iyang pag-ingon nga itudlo niya ang iyang kaugalingon isip designated survivor.
Gipahibalo kini sa bise presidente dungan sa Brigada Eskwela National Kickoff nga gipangulohan sa SDO Cebu Province of Region 7 sa sayo pa.
Matod ni Duterte, daghan ang nataligam-an sa iyang ginapunto.
Busa alang kaniya, kon ang iyang pamahayag wala masabti sa unang higayon, dili na kini angayan nga ipasabot pa.
Una nang gikataho nga niingon usab ang bise presidente nga dili siya motambong sa SONA ni Presidente Ferdinand Marcos Jr. sa Hulyo 22 tungod nag-appoint siya sa iyang kaugalingon isip ‘designated survivor’.
Sa U.S., ang designated survivor ginatuboy kung ang Presidente makigtagbo sa tanan nga mga opisyal, lakip ang gitudlo sa konstitusyon nga mga manununod sama sa Bise Presidente, Presidente sa Senado, House Speaker ug Supreme Court Chief Justice.
Kung adunay usa ka katalagman nga insidente nga mahimong moresulta sa pagkamatay sa Presidente ug sa tanan nga mga manununod, bisan kinsa nga miyembro sa Gabinete nga gitudlo nga survivor awtomatik nga manumpa isip Presidente.
