Gipaklaro sa Philippine National Police nga walay VIP treatment para sa kanhi Department of Public Works and Highways (DPWH) Secretary nga si Manuel Bonoan samtang nagpaayo siya sa PNP General Hospital sa Camp Crame.
Sumala sa hepe sa PNP nga si Gen. Melencio Nartatez Jr., hugot nilang gibantayan ang panglawas sa kanhi opisyal ug kung siya “ma-medically cleared,” itugyan dayon siya sa mga awtoridad sa hudisyal. Balitang Pilipinas
Gimandoan usab sa hepe sa PNP ang PNP Health Service ug ang Criminal Investigation and Detection Group nga ipadayon ang hingpit nga transparency, ipatuman ang hugot nga seguridad, ug sigurohon nga walay espesyal o VIP treatment para sa kanhi opisyal.
Misurender si Bonoan sa CIDG niadtong Lunes, apan samtang gipailalom sa booking procedures, misaka ang iyang presyon sa dugo, hinungdan nga gidala siya sa PNP General Hospital.
Samtang, si Gen. Nartatez miingon nga ang PNP Health Service mohimo og independente nga medical assessment sa kondisyon ni Bonoan samtang ang CIDG magtipig og kompleto nga rekord sa iyang pagka-confine sa ospital, pagtambal, ug mga lihok samtang naa sa kustodiya sa pulis.
